Lærdal SV auka frå to til tre representantar i kommunestyret. Takk for alle stemmer!

Takk til veljarane som gav oss tillit og gjorde at kommunestyregruppa auka frå to til tre personar. Når personstemmene er kontrollerte, legg me ut namna.

Kva for alliansar som tek styringa i formannskapet komande periode, er enno ikkje klart. Lærdal SV ynskjer sjølvsagt makt, og me er innstilt på samarbeid for å få posisjonar.

Me kjem att med oppdateringar når ting er avgjort.

NRK Valresultat Lærdal:
http://nrk.no/valg2011/valgresultat/kommune/kommune/1422/

Nå er det velgerne som avgjør!

Valgkampen er over. Gjett om vi i Lærdal SV er spente på stemmeopptellingen mandag! Hvor mange av oss vil komme inn i kommunestyret? Får vi forhandlingsgrunnlag til posisjoner som teller? Hvor mye mulighet vil vi ha til å påvirke utviklingen i kommunen framover?

Det blir valgvake med de andre partiene på Kvammes, mandag kveld fra kl. 21.

Men SV begynner kvelden kl. 19 med gruppemøte på biblioteket for å diskutere sakene til kommunestyremøtet torsdag 15. september. De sakene finner du på Lærdal kommunes nettsider ved å klikke her.

Valtorg laurdag 10. september kl. 11-14 på Lærdalsøyri

Over ser du bildene fra denne lørdagen, og under er reklameteksten som lå ute i forkant:
"Kom innom standen vår på valtorget i dag, da vel! Vi er åpne for innspill, spørsmål og kommentarer! Du kan få programmet vårt, skikkelig godt valgflesk, en kopp kaffe - og en rettferdig sjokoladebit til slutt. Hjertelig velkommen!"

Med fleire SV-arar i kommunestyret kan Jan Olav bli ordførar

SVs sluttappell, ved 2. kandidat Bente Øien Hauge, etter den politiske paneldebatten i Lærdal kulturhus torsdag 8. september 2011:
SV er et viktig rødgrønt alternativ i kommunestyret i Lærdal, selv om det ikke er de store uenighetene mellom oss som sitter her i panelet.

De neste fire årene vil vi få tunge tak når: 

- Samhandlingsreformen truer lokalsykehuset vårt

- Næringslivet, reiselivet og kulturlivet trenger et skikkelig løft

- Miljøsakene må passes godt på

SV trenger derfor å få inn flere enn to representanter denne gangen!

Jan Olav Fretland er vår ordførerkandidat. Det var i grunnen greit at han måtte gå litt før, for jeg vil helst si det uten at han selv hører det: - Han er altså veldig, veldig godt kvalifisert til ordførervervet.

Og det tror jeg egentlig noen av de andre partiene synes også. Om SV får en styrket gruppe i kommunestyret, vil vi kunne forhandle oss fram til at Jan Olav kan ta den oppgaven de neste fire årene.

Men vi får ikke Jan Olav Fretland som ordfører hvis dere bare skriver opp navnet hans på andre partiers lister! Jeg ber dere derfor om å bruke SV sin seddel i år.

Tusen takk for i kveld og godt valg.

Den vesle, viktige skilnaden

Media lagar i desse dagar store oppslag om SV-veljarar som vurderer å stemma på andre parti. Småpartia oppnår for lite, blir det sagt, så dei kan like gjerne stø dei store og sterke. Men er det slik? Nei, tenk berre etter kva saker SV faktisk har påverka og endra, både nasjonalt og lokalt:

- Full barnehagedekning har vorte så sjølvsagt at vi tek det for gitt. Utan SV hadde aldri tidenes barnehagesatsing kome.

- Alle seier dei ynskjer ein trygg og god skule. SV er det partiet som vil tilpassa skulen til alle elevar sine behov og gje meir praktisk tilrettelagd undervisning for dei som treng det. Og no har også forskarane slege fast kor viktig skulematen er for prestasjonane.

- Miljøkampen slit i motvind, bokstaveleg tala. Men utan press frå SV hadde Lofoten vore opna for oljeutvinning, og naturvernarbeidet hadde stått langt svakare, både lokalt og nasjonalt.

- Mangfald og integrering er mykje brukte honnørord. Utan SV hadde innvandringspolitikken vore enno meir restriktiv. Utan SV hadde skilnadene mellom rike og fattige vore enno større, og internasjonalt solidaritetsarbeid hadde stått langt svakare.

- Trygge, likeverdige helse- og omsorgstilbod vil alle ha. SV gjekk imot den omstridde helseføretaksmodellen og kjempar for lokalsjukehusa. SV seier konsekvent nei til at omsorgsarbeid skal vera ”business” som nokon skal tena seg rike på. Eit sterkt SV er garantisten for gode arbeidsvilkår for dei tilsette og trygge tenester til brukarane.

SV er så langt eit lite parti, og det er urimeleg å krevja at SV-politikken får fullt gjennomslag på alle område. Likevel utgjer SV ein klar og viktig skilnad, både nasjonalt og lokalt. Alle vi som inderleg ynskjer eit samfunn bygt på likeverd og solidaritet, mangfald og openheit, må no vakna opp og motbevisa medieoppslaga. På valdagen kan kvar og ein av oss vera med og gjera SV større og sterkare. Mange fleire modige SV-representantar i kommunestyra og i fylkestinget vil gjera skilnaden med at SV finst enno tydelegare. No har vi sjansen, kjære venner. Godt val!

Anna Jorunn Avdem

På SV-lista i Lærdal

Lærdal SV: Program for 2011-2015

Kjære veljar

Dei overordna prinsippa for Sosialistisk Venstreparti ligg til grunn for haldningane våre også i lokalpolitikken. Du finn eit raudgrønt program, som legg vekt på sosial rettferd, gode oppvekstkår og miljøvern. I tillegg har hendingane 22. juli gjort at programmet er mildare i forma enn det kanskje hadde vore elles. Samarbeid om gode løysingar og vern om demokratiet må vera viktig arbeid i Lærdal 2011-2015.

Lærdal er ein god kommune å bu i. Men me trur mykje kan gjerast betre enn i dag, både når det gjeld helse og velferd, nærings- og kulturliv og miljøsaker. Dette krev openheit og samarbeid på tvers av parti og ulike etatar. Me er klare! 

Som opposisjonspolitikarar utan plass i formannskapet i denne perioden har me hatt som mål å vera kritiske, men konstruktive.  I somme saker har me stemt med fleirtalet, 

i andre saker har me vore i mindretal. 

Me har vore positive til Sogn kunstsenter og lydstudioet i kulturhuset. Men me har vore meir restriktive enn fleirtalet i nokre kraftutbyggingssaker. Me har etterlyst meir satsing på Gamle Lærdalsøyri. Og me har vore kritiske til at kommuneleiinga ikkje har vore gode nok på interkommunalt samarbeid og økonomistyring. 

SV har hatt eit viktig rolle i kontrollutvalet i denne perioden, både i høve til rapportane om overskridingane på alders- og sjukeheimen og i samband med problema i kommuneleiinga ifjor

Lærdal SV har dei siste fire åra hatt to representantar i kommunestyret. No har me som mål å få inn langt fleire. Eit styrka SV vil gagna innbyggjarane i Lærdal, meiner me. Og vår toppkandidat Jan Olav Fretland er godt kvalifisert til ordførarvervet. 

Les programmet vårt, møt opp på valtorga og spør oss - og so håpar me at du gjev di røyst til lista vår! 

Styre og stell

I eit stadig meir innfløkt samfunn er det viktig at me utviklar samarbeidet med nabokommunane. I det siste har det vore lite samarbeid mellom kommunane i Sogn Regionråd. Lærdal SV ønskjer å utvida samarbeidet og få til ei felles forståing for kva samarbeidet skal innehalda, slik at Årdal og kan komma inn att i regionrådet. Me ønskjer også å få til forpliktande samarbeid mellom ÅLAV-kommunane på stadig nye felt. 

Me har inntrykk av at dei folkevalde får stadig mindre å seia for styringa av dei ulike tenesteeiningane. Fleire rapportar har synt at det er for dårleg styring med større byggjeprosjekt. SV ønskjer å sjå på om kommen skal gjenoppretta nokre av dei politiske utvala me hadde før, til dømes felles byggjenemnd, eit oppvekstutval, eit helse- og sosialutval osv.  

I perioden 2011–2015 møter Lærdalssamfunnet store utfordringar. Me har ei svært høg lånegjeld, og driftsutgiftene i kommunen er vesentleg høgre enn kommunar det er naturleg å samanlikna seg med. Lærdal SV vil bidra til å få betre kontroll over utgiftene og sjå til at nye investeringar er godt gjennomtenkte og kvalitetssikra. Samstundes er det viktig at eventuelle innstrammingar ikkje råkar dei svakaste gruppene i bygdene våre. 

Lærdal SV vil mellom anna arbeida for at:

Barn og unge skal ha det godt, med

• full barnehagedekning og rimelege satsar

• skule både på Borgund, Ljøsne og Lærdalsøyri. Lærdal SV vil likevel drøfta strukturendringar og i utgangspunktet gå inn for éin ungdomsskule i kommunen av pedagogiske grunnar

• vidareføring av skulefritidsordninga ved alle skulane. SV ønskjer å sjå på om det kan utviklast eit barnehagetilbod, til dømes ein naturbarnehage, knytt til Ljøsne skule

• å sikra ein trygg E16 for barna

• gode vilkår for musikk- og kulturskule, som gjev ferdigheiter og glede

• å halda oppe og utvikla rusfrie og spennande fritidstilbod til ungdom, på Kosen og elles i bygda

Me skal tenkja grøn energi, med

• offentleg styring av energipolitikken med utgangspunkt i energi- og miljø- planen. 

• å leva etter den samla planen som kommunestyret har vedteke for vasskraftutbygging i Lærdal. Viktige landemerke som Stødnafossen, (”Lærdals slips”), Jutlaelvi, Sokni og Bøafossen må framleis renna fritt!

• satsing på alternative energiformer. Nye bustadfelt og offentlege utbyggingar skal planleggjast med vassboren energi eller andre miljøvenlege løysingar.

• eit toprissystem på straum, slik at dei som har eit høgt privatforbruk skal betala meir

• å utvikla arbeidet for at kommunen og andre skal kjøpa elbilar/bilar som går på bioenergi, når slike er tilgjengelige

• å innføra merkjevarenamnet ”Den grøne kommunen” på Lærdal att

Me skal engasjera oss sterkt i arbeidet med omstilling og ny utvikling i Lærdal, med

• å bruka krefter på omstillingsprosjekta som kommunen har sett i gang, med sikte på eit ”Vendepunkt” for kommunen. 

• å utvikla strategisk næringsplan både for å sikra eksisterande arbeidsplassar og utvikla nye. Det skal bli liv i tomme butikkvindauge på Øyri

• å gå inn for konkrete prosjekt som kan sikra og utvikla kompetansearbeidsplassane kommunen har ved Lærdal sjukehus og Opplysninga 1881

• at Lærdal framleis skal vera helsekommunen i Sogn

• å arbeida for betra vilkår for dei som pendlar til nabokommunane (pendlarkort, fleire pendlarruter, tilrettelegging i barnehage osv.)

• vidare satsing på reiselivet og verdsarvstatusen

• utvikla vegstasjonen, td. som næringshage

• utvikla Håbakken som knutepunkt

• arbeida for at kommunen har ein fast reserve på 4-5 % av driftsbudsjettet til å møta utfordringar på arbeidsplassar, eldreomsorg osv.

• støtta jordbruket, særleg gjennom Lærdal Grønt og andre fellestiltak. Me vil òg gå mot nedbygging av godt jordbruksareal

• støtta næringsutvikling og busetnad på Borgund, t.d. «Borgund Utvikling»

• satsing på nye bustadfelt med både hus og leilegheiter, fortetting på/nær Lærdalsøyri og nye bustadtomter elles i kommunen. 

• støtta Kom heimatt-helga, dei gode initiativa frå Ungdomsrådet og andre prosjekt for å snu straumen 

Me vil ha eit godt sikkerheitsnett for dei som treng det. SV vil derfor m.a.

• at det offentlege skal ha ansvar å sikra gode helse- og sosialtenester for alle, uavhengig av kva ein kan betala for seg

• styrkja tilbodet og støtteordningane til barn, unge og vaksne som slit med psykiske lidingar

• følgja opp planane i kommunen for psykisk helsearbeid og den førebyggjande barne- og ungdomsplanen

• stø arbeidet med omstilling i pleie- og omsorg, og sikra ressursane til dei mest pleietrengande på alders- og sjukeheimen

• gje Aktivitetshuset betre lokale

• sikra at kyrkjer og kyrkjegardar blir haldne i stand og at kyrkja framleis blir sikra ressursar til viktig kultur- og barne- og ungdomsarbeid

• innføra ordninga frå forrige periode, med at ordførar og andre har faste kaffistunder der folk kan komma fram med ønske og synspunkt. Me vil òg ha ei fast spalte for ønske og kommentarar på nettsida til kommunen. 

Natur, kultur og miljø skal kjenneteikna verdsarvkommunen Lærdal, og me vil

• ta vare på det me har att av urørd natur for komande generasjonar

• gjera økologisk og annan miljømerkt mat til eige satsingsområde, med utgangspunkt i prosjektarbeidet kommunen alt driv

• satsa på energisparing og ta miljøomsyn i alle kommunale bygg

• gje støtte til enøk-tiltak

• fylla Sogn kunstsenter med aktivitet og slik sikra kommunen og reiselivet ein ny fot å stå på

• halda fram satsinga på Gamle Lærdalsøyri og reiselivssamarbeidet i regionen

Lærdal skal gjera seg fortent til tittelen Internasjonal kommune, og me vil

• utvikla det vellukka samarbeidet med Jeriko, slik at både lærdøler og palestinarar kjenner at det handlar om likeverd og solidaritet

• ta opp att «Rettferdig Handel»-systemet, som har lege nede siste åra i Lærdal kommune

• arbeida for at flyktningar og innvandrarar skal vera velkomne til kommunen og få tilbod om opplæring, arbeid og bustad.

• arbeida for å ta imot innflyttarar, både norske og utanlandske, på ein annan måte, mellom anna med å etablera faste møteplassar for nye lærdøler

Programmet vårt?

Me har fått nokre reaksjonar på at me har sendt ut til husstandane ei brosjyre med presentasjon av kandidatane og noko me har kalt "verdipapir" - men ikkje sjølve det politiske programmet. Lærdal SV tek sjølvkritikk på den avgjerda, den var litt forhasta. Me beklagar!

Programteksten er no lagt ut på bloggen her (over).

Programmet vårt er også tilgjengeleg på SV sine partisider ("SV-der-du-bor"), men førebels litt vanskeleg å finne fram til. Me arbeidar med saka og vil leggja ut lenke så snart det er klart!

Du får også det trykte programmet vårt på valtorga:
• laurdag 3. september (Borgund 10–11.30, Ljøsne 12.30–14)  og
• 10. september (Lærdalsøyri 11–14).

Om du ynskjer det, kan du gjerne få Lærdal SV sitt program tilsendt som pdf-fil. Send ein epost, så ordnar me det!


Venleg helsing
Bente Øien Hauge, 2. kandidat